Uwi u bru uwa 28 snem i rta uwa man leh kam uwa leh ya ki Live Streaming ha ki rynsan Social Media da chah thaap, chah bok, chah kynjat u ha ki bru wei chah e FIR u leh hadien wa poor iwi i Video wa e baam u da u Chicken Momo ya kawi ka masi iwa da jia ha Gurugram, Haryana.
Hadien wa poor ini i Video, ki dkhot ka Bajrang Dal da lai sai ki ya uni u bru wa tip kam u Hrithik na i thaw sah u ha New Colony heiwa da phah ki wow paan maap u tangwa syndet syndet da thaap, da bok wei kynjat ki oo.
Chwa ini da pynlai ki ya u Hrithik deilang wa u pa u ha sarok yow tip ki bru oo heiwa da yoo wa u Hritik da paan maap u wei hadien ini da dat ki oo.
Kini ki dkhot ka Bajrang Dal da kylli ki na oo leh kiyi wa kyrchaan poisa ya oo yow leh ya kini ki Live Streaming.
Ki pulit da pynngat ki ya u Hrithik ha ki kyndon wa ktah yei sñiaw yong niam ki bru deilang ki kyndon wa lehbeiñ ya ki mrad.
I Video wa da pynchrai ya ki Bajrang Dal toh iwa lai riñ u Hrithik ha Huda Market heiwa hadien wa kdang u wow baam Momo, da tyrwa u cha ka masi wa em hajan wow baam na ka Plate wa baam u.
Discussion about this post