Ka seiñ kiwa khayi hapoh Jaiñtia hei pyrtuid ka Jaiñtia Tribal Trader’s Association (JTTA), dap ko dei mynsien wa sñiawdiaw heiyatoh wa ka chithi jubab yong ka JHADC neibynta ka bai Permit wym ye ko u duna yei dor thymme katkam wa da booh.
Chooh chooh ka seiñ kthang mynsien ko ya kitu ki dkhot kiwa da ya railang ha ka General Meeting kawa da man ha ka 17-03-25 wow sangeh chwa u su ya ka bai Permit kat wym pu yoh ya ka chithi jubab na ka Council tanwga dung won ki pyn nadien deiwa smat dei su, “Man ki kiwa kuhæ, tiensar ki ya dooh, ym ye ki u yang, heiwon u yoh ya u soh i jop lada ym em i yatylli?” da kylli u Iatha Najiar, President ka JTTA.
Ka seiñ e khublei won ko ya kitu ki dkhot kiwa da ksoh kular kiwa da e i krehlang waka seiñ, kiwa da ye u yang hadooh wow yoh ya ka chithi jubab na ka Council, deiwa kyntu ya ki dkhot wow lai su noh ya ka bai Permit ki hanla i dawa ym em man iwa jop.
Ha ka yalang wa da chong ha ka 17-04-2025 hadien wa dep yaklam ya ka chithi jubab yong ka Council, da rai deiwi wow e khublei ya u MLA ka Jowai, u Wailadmiki Shylla wa da chimkhia sakhiat u heiwa i kreh ya ka Iawmusiang Shopping Complex da man i iwa lai chaaid chaaid.
Ka seiñ da pyrchah won ko heiyatoh wei ong u Symbood Montri Rangbah, u Sniawbhalang Dhar wa manda dep chna ya ka Mini Secretariat ha Jowai, u rah noh ya ka yung krehkaam u DC wei daw booh salan won da ka Shopping Mall wei hei sñiaw ka seiñ wa toh dang miat u booh noh da ka thaw pynyieñ kari neibhah ki thaw booh kari dang duna bha ki.
Discussion about this post