U Actor Bollywood, u Saif Ali Khan da chah dung u 6 sien ha uwi u bru wa psiah tooh chei thaw sah u wa em ha Mumbai iwa da jia ynne i step synyaaw heipor kamwa 2:30.
Ya u Saif Ali Khan da kit ya oo cha Lilavati Hospital wa em ha Mumbai heiwa da chah pooid u wei da lait u nei maa.
Neiliang ka Hospital da pyntip ki wa da hap pooid ki oo hadooh jan dap le kynta neidaw wa da chah dung u deiwa rap yillu ar thaw heiwa iwi toh hajan u budloom u.
Katkam wa da pyntip, da em uwi u bru wa psiah dei thmu wow tooh na yung wa sah u Saif Ali Khan deilang ka Kareena Kapoor Khan iwa em hei mala wa 12 ha Bandra Mumba heiwa da yoh ki wow kset oo hapoh iwi i kamra tangwa da yoh u wow yut hadien wa dung u ya u Saif Ali Khan deiwa ku na kawi ka khian dwar.
Ki pulit da suba ki wa uni u bru ye u man wa ku u yeini i yung neibhah wym em chem yeiwa psiah u ha ki CCTV wei ym em leh pynemkaam u da ki Lift wa em ar tylli.
Ki pulit da suba ki wa da ku nynkong u yei kynroh wa kær ya kani ka thaw heiwa da chem leh wa em wa ah ya ka jaar wa booh haneiñ i kynroh wei da yoh u wow pynemkaam da u rana wei da psiah u chapoh ini i thaw sah lyngba i kamra wa sah kiwa kreh kaam yung heiwa da em wa yoo oo wei da mih i kulmar heiwa da wan leh u Saif uwa da chah dung wei hadien ini da yoh wow kset ya uni u bru hapoh kawi ka kamra thiah tangwa da yut u deiwa ku na kawi ka khian dwar wa em ha kani ka kamra.
Discussion about this post