Uwi u bru wa man kam u khian paaid kamjooh u Hindu ha Bangladesh uwa tip kam u Khokon Chandra Das da chah dat, chah dung wei chah thang u ha ki bru hei miet ka 31 tarik u bnai wa dep ha Shariatpur, Bangladesh.
Katkam ka khubor wa da mih na Bangladesh, ini da jia i ha Keurbhanz Bazar heipor 9:30 i miet wei u Das toh uwa chong chnong ka Tilai wei em u ya ka dukan dai dawai wa i leh ya ka Mobile Banking ha kani ka yaaw.
Heipor jia ini dang liwan u cha yung da kawi ka CNG Autorickshaw deiwa rahlang wa ka poisa wa da pynmih ha katai ka sngi.
U Das da chah pynsangeh u nyngkong ha kini ki bru kiwa da sdang wow dat wei dung oo wei hadien da theh ki dei Petrol na khlieh wei da thang ki oo tangwa da ye u wow kynthiar chapoh kawi ka nan wa em hajan.
Da kit ya oo nyngkong cha Shariatpur Sadar Hospital heipor 10:00 waje i miet wei hadien won cha ka Hospital wa em ha Dhaka yow yoh yei sumaar wa miat.
Ka kurim u Das da pyntip ko wa oo lai khang u yei dukan man-ka-miet wei da liwan u cha yung deilang ka poisa wa da pynmih wei da tipmit u leh ya ki ar ngut ki bru wei na ini i daw da dung wei da thang ki oo.
U Doctor da khana u wa da chah dung u Das na kpoh wei da yoh i diñ wow thang yei bynta i dur, i dien khlieh wa ki kti u.
Ki pulit ka Damudya da tipmit ki ya ki ar ngut ki bru wa emkti ha ini wa jia.
Discussion about this post