Ka lehkmen yow pdiang ya u snem thymme 2026 ha Jowai kamjooh yow e khublei ya u snem warim da man ko kawa chongchit wei kawa phooh wa phieñ deiwa mih ki hajar ngut ki paidbah na jar jiar ki dong ki chnat yow lai chaad paidbah ha kylleiñ ka chnong.
Ka lehkmen kamwa jooh man man-u-snem da sdang ko nadooh i miet ka 31 tarik deiwa thang ya ki Bonfire deilang i rwai i chaad ha jar jiar ki dong ki chnong yow yang yei poi u snem thymme.
Ynne won chwa wow mih lai chaad da em chwa ka baam doh kut snem kamjooh ka yalang yow e khublei ya u snem warim deilang i duwai yow man u snem thymme uwa kmen wa suk ya warohlang.
Hawa mih lai chaad da synraan ki kari wa kit ya ki tanghæng kiwa da tem ya ki sur pdiang snem thymme deiwa ya rwai ya chaadlang ki paidbah wa boon.
Kamwa jooh leh ha kiwi ki snem, ha uni u snem leh ka Synjuk Waheh Chnong Jowai dei ya krehlang wa ka District Tourism Promotion Society, West Jaiñtia Hills District da pynkhreh ki ya ka rynsan yow pdiang burom ya kawi pa kawi ka dong ka chnong manda poi ki ha Iawmusiang kiwa da pynyoo yei chongchit i rukom lehkmen ya u snem thymme kiwa da em palat 16 tylli kiwa dapoi.
Hadien wa pyndep yei lai chaad da em leh ki Musical Concert kiwa da pynman ha jar jiar ki dong ki chnong.
I neiliang waroh ha Wyrta leh e khublei snem thymme i ya phi waroh yow yoh phi dei chait i khiah, yow hoi khih hoi khan deiwa yow leh ya waroh iwa da mut da mang phi.
Discussion about this post