Chah e FIR u DGP ka Meghalaya wa chna thok u ya u Number kari

U Director General of Police ka Meghalaya, u Lajja Ram Bishnoi da chah e FIR u deiwa chah pynbaad wa pynkylla u yaka Registration Number ka kari deiwa leh pyrchah yaka aiñ.

Uwa e FIR toh u Gabriel K. Iangrai uwa jooh man kam u heh pulit uwa da dep chah kem deiwa chah pynbaad wa pynemkaam bakla yaka poisa sorkar wa yei thied ya 29 tylli ki kari hapoh ka chnat pulit.

Ha kani ka FIR da ong wa katkam wa chem da ka Enquiry Committee haka chithi (Letter No.ADG/L&O/F-33/2022/1 dated 18^th July 2022) kawa em deilang waka Report, da kdaw wa em kawi ka kari Hyundai Verna kawa da booh ha Central Workshop kawa da em wa e da u Number thok wei ym em leh Registration ya kani ka kari da ka yung krehkaam u AIG-A, kamtæ ym em ko leh ki kot ki sla.

U Iangrai da ong wa kani ka Report kopsar kawa da pynkhreh khlem da lai pyntikna yaki kot ki sla waka chnat Transport neibhah katkam wa chem lyngba ka RTI kawa em tarik 27-07-23, kani ka kari Verna toh kawa Register kam ka kari sorkar ka chnat Transport ka Meghalaya wei em ko ya u Number ML-02-A-0001 hei pyrtuid u Director General of Police ka Meghalaya wei ini pynyoo wa ka Report ka Enquiry Committee toh iwa bakla wei toh u pynchitom ya kini ki dkhot ko.

Related posts

Chi bnai e por ka JSU ya ka DSC West Jaiñtia wow khut pynman Exam noh

May 15, 2025

Dawa ka FKJGP Jaiñtia Hills wow kær ya ki sarok yow lait nei jia wa sñiawsih

May 15, 2025

Chooh chooh ka FIR da ong ko wa u Lajja Ram Bishnoi uwa man kam u DGP heipor wa wan u cha Shillong yow chimkti yei kaam haka 17-05-22 da wan da kawi ka kari KIA Carnival kawa em Number yong Assam tangwa kani ka jooh ka kari katni deiwa leh pyrchah aiñ da em ko ya u Number Plate ML-02-A-0001 iwa man i jooh waka kari Hyundai Verna.

Da ong leh wa kani ka kari KIA Carnival toh kawa man kam ka Requisitioned Vehicle namo kawa da chim chipor yow pynemkaam tangwa katni won u DGP da pynemkaam u ya kani ka kari ya waroh ki kaam yong oo.

Katkam ki kyndon sorkar, u DGP toh u pynemkaam u yaka kari kawa hapoh Rs. 12 lak tangwa kani ka kari won toh kawa da chongdor hadooh Rs. 40 lak kawa u DGP ym em hok u wow pynemkaam.

Kamtæ da ong wa kini ki sabut waroh da pynyoo wa da em ki kaam pyrchah aiñ nadooh wow chna thoh ya u Number kari wei da toh u pynngat ya u DGP hapoh ki kyndon aiñ.

Ya kani ka FIR da booh ha u OC ka Sadar Police Station.