Chah ieh hadien wa booh, yei yi u kynnoh?

Jowai : Ka Syntu Ksiar toh ka thaw kawa riñ da kiwa boon ngut ki bru ha ka chi sngi, kam ha kini ki bnai 

won da poi da ki spah ngut chi sngi na kylleiñ ki chnong ka jylla kamjooh leh na baar.

Iwa ktah ya ki khmat u yoo, toh ya ki tngit, ki jhep ki klong wa noh taroi ki bru khlem pyrkhat wow pynneh pynsah yei man kyrpang kani ka thaw kawa da e kyrpang ka bei-rymaw.

Chibynta wow pynneh yei khooid kani ka thaw, ki tnat sorkar da booh ki ya ki tin noh-jhep khamtam na ka tnat Soil & Water Conservation ha Syntu Ksiar.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Hadien wa da yoh ujor na ki paidbah wa ka tin noh-jhep ha yingkieñ doi-doi wa hajan ka yingkieñ thymme da dap da chlai ki dei jhep iwa da chlai leh cha madan katwa ki tin ha kiwi ki bynta man ki kiwa thylli.

Da pyrchang wow takit yei daw wa ym em wa pynkhooid yei jhep na ki ar thaw, wei neiliang u Divisional Soil & Water Conservation Officer, u D. Challam da pyntip u wa ya kini ki tin da booh hadien wa yoh yei kyrpaad na ka Dorbar Chnong Panaliar, wei toh ka Chnong wa bahkhlieh ko wow pynkhooid ya ki.

Heijooh i por da pyntip u wa kini ki ar thaw ym em haap ki hapoh ka scheme wa da mang wow booh ya kini ki tin (iwa mut kani ka scheme da mang du neibynta ka Syntu Ksiar).

Neiliang u Secretary ka Dorbar Chnong, Panaliar u Careme Phawa da pyntip u wa neidaw wa duna poisa wei ym em bru wow kit ya ini i jhep da neh hi-eh i kamtu, wei da kular u leh wow chimkhia yeini deiwa yaklam hapoh ka Dorbar Chnong.