15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Chah ieh khonswet ka Sub Centre ka chnong Natbor

0 Comments

Jowai: Ka Sub Centre næ ka thaw e sumaar ha ka chnong Natbor, East Jaiñtia Hills kawa em ha khappood wa ka ri Bangladesh, da chah iehbeiñ ko kattu la 10 snem.

Kani ka Sub-Center man ko kawa khang  nadooh wa chna ya ka wei man ko kawa da pynsepai ya ka poisa paidbah wa i doohnong wa khroo ya ki paidbah ka chnong Natbor wa kiwi ki chnong wa yajan wa ka.

Advertisement ad1

Hei lai li pait ya kani ka thaw e sumaar da chem wa waroh ki kamra yong kani ka Sub-Center da dap ki da ki jhep wei man ko leh kam ka thaw chong mrad, ka yung da mih du ki dieñ ki phlang, ki dwar man ki kiwa da piah da pra lut.

subctr

U Waheh Chnong ka Natbor, u ma Deimon Lamare, chirup wa kiwa chong chnong, da pynsñiaw ki yei mynsien wa sñiawsih wa khroo hei yatoh wei chah iehbeiñ kani ka Sub Center ha Natbor.

Da ong ki wa katwon u man ko i kyrkhu wa khroo ya ki paidbah ka Natbor, ka Borghat, ka Kwator wa kiwi kiwi ki chnong wa yajan lada ya kani ka Sub Center da ye u pynkrehkaam wei ym emkaam de u lai thooh dawai nadooh na Jowai næ na Shillong.

Chooh chooh da ong ki wa man i iwa eh bha neibhah wa lada haap lithooh dawai ki na Bataw PHC neibhah ka luti man ko kawa kyllaiñ ware.

Neiliang u Waheh Chnong wa ki paidbah da pynsñiaw ki yei leh ka tnat MeECL, heiwa kiwa boon ki chrot light da man ki kiwa da sap sarah iwa booh yei ma ya ki paidbah kiwa lai wa wan. Da kyntu ki ya ka tnat MeECL wow chimkhia yeini.

Previous
Next

0 Comments

Leave a Reply