Uwi uwa chong chnong ka Meghalaya uwa lai thooh kreh deilang wa ki lok u cha Goa da chah ieh u Andhra Pradesh tangwa da ye wow wanrah biang ya oo chapoh ka jylla da ki pulit ka Meghalaya.
Uni u bru toh uwa tip kam u Tengrik Momin (25 snem) uwa na DC Colony, Williamnagar heiwa da pyntip cha ki pulit ka East Garo Hills ya ini wa jia ya oo da ka payu hi u kawa tip kam u Asma Momin wa hadien wa hair u na ka rel ha Gunthur Trai Station, Andhra Pradesh da chah ieh u wei da chah ksoh u ha ki bru katai ka Train Station neidaw wym em Ticket u.
Neiliang ki pulit ka Meghalaya da pyntip ki cha ki pulit ka Andhra Pradesh kiwa da lai wow e yarap kamjooh i baam ya uni u wa sahkut wei daw wanrah noh ya oo chapoh Meghalaya myntu ka sngi.
Uni uwa chah ieh da mih u na yung ha ka 15 tarik uni u bnai deilang wa ki lok u.
