August 20, 2022
Advertisement
Hadien wa dadep chna pynmiat ya u sarok nadooh Laskein hadooh Lad Mooshrot, ynnin ka sngi won ki paidbah ka thaaiñ Psiar wa Khatkasla da hiar ki wow chna ya u sarok na Wah Myntang hadooh Wah Wyrjiang (Psiar).
Ya ini i chna pynmiat ya u sarok da yahkhmat da u Nehemayah Tyngkan ryngkat wa ki lok wa kiwa kyrchaan ya oo wa ki paidbah ka thaaiñ.
Advertisement
Neiliang ki paidbah wa chong chnong kani ka thaaaiñ da sñiawkmen ki yeiwa chimkhia u Nehemayah wow yaleh katwa ye i bor wow chna ya uni u sarok.
U waheh chnong ka Khatkasla da ong u wa da sñiaw burom u ya u Nehemayah Tyngkan hajrong ini i lehbha yong oo wei da kyrmenn skem u wa daw ye chooh u wow leh bha ya ka thaaiñ ha ki por wow wan.
Neiliang u Nehemayah da ong u wa da angnood sakhiat u ya ini wei man ko ka sien wa le wa da yoh u wow pynmiat ya u sarok hapoh ka thaaiñ wei lada jop la rem leh ha ka Election leh daw em u chirup wa ki paidbah wow yarap ya ki hanla ym em u ya ka spah ka phaw tangwa em u ya ka spah mynsien.
Da e khublei u leh ya ki paidbah, kiwa kitkaam chnong wa kiwa kyrchaan ya oo wa da mih ki neibynta wow chna ya kini ki sarok kiwa man ki budloom i roi i paar ya ki paidbah.
