Ka National Cricket Academy (NCA) kawa man ka yong ka BCCI da jied ko ya le ngut kiwa yalehke ka Meghalaya Cricket Association yow chimbynta ki ha ka North East Senior Men Camp kawa daw pynman ha u bnai wow wan ha Bengal Cricket Academy, Kalyani.
Kini ki le ngut kiwa yalehke Cricket toh u Raj Biswa, u Kishan Lyngdoh (kiwa Bat) wa u Arbin Singh (Spin Bowler).
Kani ka Camp daw pynman nadooh ka 24-04-23 hadooh ka 18-05-23.
Waroh da em 25 ngut kiwa yalehke ka North East Zone kiwa da chah jied da ka BCCI neibynta kani ka Camp.
Kiwa yalehke kiwa da chah jied toh kiwa da lehbha ha ka Syed Mushtaq Ali Trophy T20 Tournament, ka Vijay Hazare Trophy One Day Tournament waka First-Class Ranji Trophy.
