Ka National Cricket Academy (NCA) yong ka BCCI da jied ko ya soo ngut kiwa yalehke ka Meghalaya Cricket Association yow lai chimbynta ha ka Zonal Cricket Academy (ZCA) Camp kawa daw pynman ha Guwahati ha ki bnai wow wan.
Kini kiwa chah jied toh u Jarrett Medonlang Wanniang na Christian Academy, Riatsamthiah; u Gaurav Jyoti Thakuria na BK Bajoria School, Boyce Road; u Angkit Tamang na Kendriya Vidyalaya, NEHU wa u Rudra Singh Rathore na St Xavier’s Secondary School, Polo.
Kani ka Camp toh kawa daw sdang nadooh nadooh ka 17-04-23 hadooh 11-05-23.
Waroh da em 25 ngut kiwa yalehke na waroh kawi ka ri kiwa da chah jied wow embynta da ka All India Junior Boys Selection Committee ka BCCI.
Kini kiwa chah jied toh kiwa da lehbha ha ka U-16 Vijay Merchant Trophy yong ki chynrang wa da pynman nadoh ka 1 tarik hadooh ka 23 tarik u Kmaichonglad (Dec) 2022 ha Baroda.
