Ka National Cricket Academy (NCA) yong ka BCCI da jied ko ya 6 ngut ki kynthai wa yalehke ka Meghalaya Cricket Association yow chimbynta ki ha ka Senior Women North East Camp kawa daw pynman ha Dimapur ha u bnai wow wan.
Kam wow pynkynmoo ha kini ki sngi wa dep, ka MCA da pynbna ko wa 4 ngut ki khynnah chynrang ka Meghalaya kiwa da chah jied wow chimbynta ha ka Zonal Cricket Academy Camp wa daw pynman ha Guwahati ha u bnai wow wan.
Kini won ki 6 ngut ki kynthai toh kiwa da lehbha dooh ha Meghalaya hadooh katni wei kini toh ka Daiaka Emigale Warjri, ka Debasmita Dutta, ka Ajima Sangma, ka Monica Lyngdoh Phawa, ka Neha Hajong waka Suriti Kumari Ray.
Kani ka Camp toh kawa daw sdang ha ka 24 tarik u April hadooh ka 18 tarik u May.
Waroh da em 25 ngut kiwa yalehke ka North East Zone kiwa da chah jied da ka All-India Senior Women Selection Committee Camp yong ka BCCI.
Kini kiwa yalehke da chah jied ki deiwa pait yeiwa da lehbha ki ha ka Senior Women’s T20 Trophy (October 2022) wa da pynman ha Bengaluru waka Senior Women’s One Day Trophy (January 2023) wa da pynman ha Nagpur.
