Chah jied biang u Damian War kam u Waheh Chnong ka Namdong-B

Ka Dorbar Chnong Namdong-B, West Jaiñtia Hills da pynman ko yei jied waheh chnong ynnin ka 4 tarik ha Community Hall ka chnong.

Neiliang kiwa chong chnong da jied biang ki ya u Damian S. War kam u waheh chnong uwa da dep man kam u waheh chnong ha ka samoi krehkaam wa dadep wei ha kani ka jied waheh chnong da em ar ngut donhi kiwa yaleh.

Yeini i jied waheh chnong da wan wow pait wei sakhi da u Dolloi ka Elaka Nongjngi, u Pius Daw yow pyntikna wa da bood ryntih katkam ki kyndon wa da phah da ka JHADC heiwa da pynlai leh ya kani ka jied waheh chnong da u Dolloi.

Neiliang u Damian S. War da e khublei u ya ki paidbah ka chnong wa da pynjop em burom biang ki ya oo sa ha kani ka samoi lyngba ki kaam wa da kreh chitom u haka samoi wa dadep wei da kular u wow nang kreh chitom neibynta wow pyndap pynbiang chooh ya ka roi ka paar khamtam ka chongsuk chong chngaaiñ ka chnong.

Related posts

Maham pynman yakhih ki ar chnong lada ym pyndam ka JHADC yei tipmit wei e Sanad ya ka chnong Umpyrshin

February 23, 2026

Khut sñiawbha ka Jowai Cooperative Urban Bank ya waroh ki Shareholder Member cha ka lehkmen dap 50 snem

February 23, 2026

Chooh chooh da ong u wa u kyrtong wa chah rem næ ki wym Vote cha oo ymtoh u em ki iyi iyi i sñiaw wei da kyrpaad u yei ya krehlang.