Ka Dorbar Chnong Pamrakmai, East Jaiñtia Hills District ynne da pynman ko yei jied waheh chnong wei da em ar ngut ki kyrtong wa yaleh heiwa u Iaikiewbha Rymbai da jop biang u deiwa yoh 598 Vote katwa u Dewanish K Siangshai da yoh u 370 Vote wei da chah kyntait 15 tylli ki Vote, waroh ki Vote da poi ki 983 tylli.
Ya ka Election da pynlai da u Dolloi ka Elaka Jowai, u Puramon Kynjing deiwa emlang chirup wa ki bru yong oo.
Ha kani ka Election da ya thap Vote deiwa pynemkaam da ki Secret Ballot, wei man ko leh kawa lai bait lai ryntih hadooh wa dep jied ya kiwa kitkaam hapoh i yahkhmat u Iaikiewbha Rymbai kam u waheh chnong sa ha kini ki le snem wow wan.
Kiwa kitkaam wa thymme man ki kamni ha wah:
Waheh Chnong: U Iaikiewbha Rymbai
Assistant Waheh Chnong: U Shaintre Siangshai
Chairman Chnong: U Edmond Dkhar
Secretary Chnong: U Wellson Siangshai
Assistant Secretary Chnong: U Shining Siangshai
Treasurer Chnong: U Harning Siangshai.
Neiliang u Iaikiewbha Rymbai da e khublei u ya ki paidbah ka chnong wa da pynjop em burom biang ki ya oo sa ha kani ka samoi lyngba ki kaam wa da kreh chitom u haka samoi wa dadep wei da kular u wow nang kreh chitom neibynta wow pyndap pynbiang chooh chooh ya ka roi ka paar khamtam ka chongsuk chong chngaaiñ ka chnong.
Chooh chooh da ong u wa u kyrtong wa rem næ ki wym Vote cha oo ymtoh u em ki iyi iyi i sñiaw wei da kyrpaad u yei ya krehlang.
Discussion about this post