U MLA ka NPP na Resubelpara Constituency, u Timothy D. Shira da chah jied biang u sa chisien kam u Deputy Speaker ka yung dorbar chna aiñ ka jylla.
Da jop u khlem wa em wa yieñ wow yaleh pyrchah ha ka dorbar mang tangka ynne ka sngi.
Da man u leh kam u Deputy Speaker ha ka sorkar warim nadooh u snem 2018.
Hawa e yei ktien khublei, neiliang u Montri Rangbah ka jylla, u Conrad Sangma da yaroh u ya u Shira deiwa ong wa da yaleh Election u nadooh u snem 1976, “Ini toh chwa wow kha ya nga ha u snem 1978, iwa pynyoo katwon i mynsien yong oo wow chakri paidbah,” da ong u Conrad.
Neiliang won u Dr. Mukul Sangma da kynmoo u wa heipor wa dang khynroo hawa lai u cha thaaiñ Resubelpara, ki paidbah da maham bait ki ya kiwon kiwon kiwa klam beiñ ya u Timothy Shira wei ini da neh i ha oo hadooh katni heiwa dang tieñ u wow klam beiñ ya u Timothy.
Kiwi de kiwa klam toh u Charles Pyngrope wa u Metbah Lyngdoh.
