Ka sorkar Meghalaya ynne da kyrriah ko ya ki DC ka East Khasi Hills, Eastern West Khasi Hills, South West Garo Hills, East Garo Hills wa West Garo Hills.
Ka East Khasi Hills da yoh DC thymme ko da ka RM Kurbah, IAS (SCS: 2009) heithaw u S.C. Sadhu, IAS (RR: 2011) uwa daw man noh kam u Director ka Community & Rural Development deiwa ksoh leh yei kyrdan Secretary ka chnat Community & Rural Development waka Fisheries & Water Resources Department.
U W. Nongsiej, IAS (SCS: 2011), uwa man kam u DC ka Eastern West Khasi Hills da kyrriah ya oo wei da thung da u G. Kharmawphlang, IAS (SCS: 2014) kam u DC wa thymme.
U G. Kharmawphlang toh uwa man kam u DC ka South West Garo Hills tangwa ym pu em pynbna ya u DC thymme hei thaw yong oo.
U Swapnil Tembe, IAS (RR: 2015), DC ka West Garo da kyrriah ya oo wei da thung noh ya oo kam u Joint Secretary ka chnat Education wa u Director ka School Education & Literacy wa kam u Special Project Director, SSA.
Ya u Jagdish Chelani, IAS (RR: 2018), DC ka East Garo Hills da kyrriah ya oo wei da thung noh ya oo kam u DC wa thymme ka West Garo Hills.
U Vibhor Agarwal, IAS (RR: 2019), uwa man kam u Deputy Secretary ka chnat Sports & Youth Affairs wa kiwi de da thung noh ya oo kam u DC wa thymme ka East Garo Hills.
