Ka Sports Cell yong ka KSU da pynsñiaw ko yei khyrngiat hadien wa tip wa ka sorkar jylla lyngba ka Directorate of Sports & Youth Affairs da jied ko hadooh 7 ngut ki wym toh ki jaitbru tre chnong ka jylla napyrdi ki 12 ngut kiwa yalehke Basketball wow mihkhmat yaka jylla ha ka Basketball National School Games kawa daw pynman ha Haryana.
Ha ka thup kiwa yalehke da chah jied du 5 ngut ki tre jylla katwa ki 7 ngut toh kiwa na baar ki wym toh paaid u Ynñiawtrep kamjooh ki Garo.
Ka KSU da ong ko wa ini toh i leh chiliang khmat ka sorkar jylla ya ki khynnah ka jylla heiwa da kylli leh wa lada ka sorkar ymtoh mo u pynku chwa ko ya ki tre jylla yow e rynsan ya ki yow ku ki ymtoh da kiwi won ki jaitbru ki wym toh ki tre chnong.
Ka seiñ da beiñ ko ya ini i chah lehbeiñ ki khynnah yong i kiwa em i sap wa i thrang wow yaleh Basketball wei da kylli leh wa lada ka sorkar kwah ko du u yoh yei jop deiwa yalehke kiwa na baar heithaw wow pynku ya ki bru yong i ha ki yalehke waphær waphær.
Da ong leh wa ini i rukom leh ka sorkar daw pyndooh mynsien ko ya kiwa boon ki khynroo khyllood yong i kiwa angnood wow yaleh Basketball.
Discussion about this post