Ka Miss Meghalaya Organisation hapoh i pyrtuid ka Meghalaya Tourism Youth Development Society (MTYDS), da pynbna ko yei pyrtuid ka Chaivalry Lartang kam kawa jop yei naam Miss Universe Meghalaya 2025, ka wow mihkhmat ya ka Meghalaya ha ka yakob Miss Universe India 2025.
I jied hapoh ka jylla namo ka State Level Selection da pynman ha ka 14 tarik uni u bnai ha Hotel Vivanta, Khyndailad, Shillong deiwa wan chimbynta kiwa boon ki khyllood na kylleiñ ka Meghalaya.
Kiwa bichaar ya kani ka yakob toh u Amjad Khan, Director of Franchise Operations na ka Miss Universe India; ka Aqsa Varghese, Miss Universe Kerala 2024 wa ka Irene Dkhar, Miss Tourism India.
Ka Chaivalry toh kawa da yoh 1st Runner-Up ha ka Miss Meghalaya 2024, heiwa ha uni u snem da ye ko wow pynyoo yei long i man ko yow yoh syndon yei jop. Kattu daw sdang ko yei pynkhreh (Grooming and Training) ha Delhi kam chibynta wow ku ha ka rynsan ka Miss Universe India 2025.
Neiliang kiwa pynman ya kani ka yakob da yaroh ki ya ka Chaivalry wa man sakhiat ko kawa biang wow mihkhmat ya ka Meghalaya deiwa biang yei dur, i sap wei mynsien.
Ya kani kawa da pynman ha Shillong da pynman deiwa ya krehlang ka MTYDS deilang ka Miss Universe India.
Discussion about this post