Chah jied ka Dakahi Kyndait wow lai chimbynta ha ka Republic Day Parade

Jowai: Ka Dakahi Kyndait kawa da wanrah burom boonsien ya ka ri-loom Jaiñtia ha ki phet Marathon, ha kani ka kynti da chah jied ko wow mihkhmat naka jylla kam ka dkhot NSS ha ka Republic Day Parade Camp ka wow sdang nadooh ka chi tarik hadooh 30 tarik u Duyatra (Jan) 2018 ha nongbah Delhi.

Ka Dakahi da chah jied ko hadien wa pynman ya ka bichaar ya ki dkhot ki NSS na waroh ki College ka jylla da ka NSS NEHU heiwa da jied ya 14 ngut, 7 chynrang wa 7 kynthai wei da phah chwa ya ki cha jylla Odisha kawa pynman ya ka Pre-Republic Day Parade Camp.

Ha kani ka Camp da wan 200 ngut ki khynnah na kylleiñ ki jylla ka thaiñ mihsngi wa kynthup lang waka Odisha heiwa da jied sa 20 ngut kiwa pliah dooh wow chimbynta ha ka Republic Day Parade 2018 heiwa ka Dakahi man ko ka samen na jylla Meghalaya wa chah jied.

Ka Dakahi toh ka dkhot ka NSS Unit ka KNGC heiwa ynne ka sngi da pynman ya ka yalang ha College kawa emlang u Program Officer ka NSS ka College wa u Principal ka College u O.U. Lyngdoh kiwa da kitbok kit rwiang ya ka Dakahi.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Neiliang u Principal da ong u wa sniawkmen u wa ka Dakahi da man ko kawa puræ nyngkong dooh ka College wa yoh u chimbynta ha ka sngi wa pynemburom ya ka ri wei da yooluti u wa neini cha khmat daw boon kiwa bood ya kani ka luti ka Dakahi.

Ka Dakahi toh kawa na ka chnong Mukhaialong wei puræ B.Com 6^th Semester ko ha KNGC.

Also Read: Rahnaam ka Dakahi Kyndait ya ka KNGC ha ka NEHU Inter College Cross Country Run