Hadien wa mih i dur u Prime Minister ka ri, u Narendra Modi heipor wa lai u cha UK ini wa dep, kiwa boon da kylli ki kayi ka ka bru wa lai harood u kawa sap ya ka sut rong yong wa yada ya oo.
Kani ka bru toh ka Inspector Adaso Kapesa kawa na Manipur kawa man kawa nyngkong dooh na kani ka jylla wow em ha ka Special Protection Group (SPG) kiwa man kam ki pulit wa chkæh dooh ka India heiwa i kaamram ki toh wow yada ya ki Prime Minister.
Ka Adaso da kreh ko ha ka Sashastra Seema Bal (SSB) kawa man ka chnat ka Central Armed Police Force hapoh ka Ministry of Home Affairs.
Da embynta ko wa ka 55th Battalion ha Pithoragarh, Uttarakhand wei i psiah ko ha ka SPG man i wow sahkynmoo wa ka luti ya kiwa boon u bood ki.
I embynta ka Adaso wow yada ya u Prime Minister ym man i du i jop ko kam ka bru samen tangwa i wailaad wei man salonsar ki kynthai wa chynrang ha ki kaam yada ya ka ri nadooh ki chipai hadooh ki pulit.
Ka Special Protection Group toh ka chnat wa chkæh wei kiwa chah jied toh kiwa kynsai tam na ki pulit wei hadien wa jied ya ki da chah hikai bha ki du beibynta wow yada ya ki Prime Minister.
Ka SPG boonsien hi kynthup ko du ya ki chynrang tangwa i psiah ka Adaso man i wow sahkynmoo yanom.
Discussion about this post