Ki le ngut ki kynthai ka Meghalaya wa yaleh Cricket da chah jied ki wow man kam ki dkhot ka dhab ka North East kiwa daw chimbynta ha ka Senior Women’s Inter Zonal T20 Trophy ha u bnai wow wan.
Kani ka Tournament wa pynman da ka BCCI daw sdang ko nadooh ka 8 hadooh ka 16 tarik u Khonchonglad (Nov) ha Lucknow.
Kini ki le ngut kiwa na Meghalaya toh kiwa da chah jied da ka Zonal Selection Committee wei kynthup ki ya ka Debasmita Dutta (Batter & Spin Bowler), ka Ajima Sangma (Pace Bowler) waka Monica Lyngdoh Phawa (Wicketkeeper-Batter) kiwa waroh kiwa da dep wow mihkhmat ya ka Meghalaya ha kiwa boon ki Domestic Cricket Tournament.
Najrong kini, ka Coach ki kynthai ka Meghalaya, ka Saranya RS waka Physio, ka Mary Balahun Sawkmie daw man ki kam chitbynta ki soo ngut ki Support Staff ka dhab ka North East.
Ki 15 ngut kiwa yalehke toh kiwa na ki 6 tylli ki jylla ka North East wa kynthup ya ka Meghalaya, Sikkim, Nagaland, Arunachal Pradesh, Manipur waka Mizoram katwa ka Assam wa Tripura da kynthup ya ki ha ka dhab ka East Zone.
Kani ka Tournament toh kawa daw yaleh da ka League-cum-Knockout.
