theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1

Chah jied ki khynnah ka St. Dominic wa Govt. Girls’ kam ki District Star ka West Jaiñtia Hills

Ha ka pynyoo yei sap ka Aspire Meghalaya kawa tip kam ka District Talent Events 2022 kawa da sdang nadooh ka 6 tarik uni u bnai da pynman ya ka ha waroh ki District wei daw pteiñ hadooh u bnai wow wan.

Ha West Jaiñtia Hills ya kani da pynman ha ka 10 tarik uni u bnai ha Jowai heiwa da em 21 ngut kiwa da wan wow pynyoo yei sap na ki 5 tylli ki skur ha ka yalang wa da pynman ha Chutwakhu Indoor Sports Hall.

Advertisement ad1

U First Colour Lathong (Musical Instrument) wa ka Diangmon Sten (Art & Craft), kiwa lai puræ Class 12 ha St. Dominic Higher Secondary School, Mowkyndeng waka Wadamika Phalangki (Singing), Class 12 na Government Girls’ Higher Secondary School, Jowai da chah jied ki kam ki Aspire Meghalaya District Stars ka West Jaiñtia Hills.

Ha kani ka yalang da pynkup burom ya ki 25 tylli ki skur ka District kiwa da chimbynta ha ka Meghalaya Youth Survey 2022 wa ha ka Soft Skills Training wa da pynman hapoh ka Aspire Meghalaya.

Ka Aspire Meghalaya toh kawa da sdang da ka Directorate of Sports & Youth Affairs, ka sorkar Meghalaya deiwa kyrchaan ka State Education Mission Authority of Meghalaya (SEMAM-SSA) hapoh ka chnat Puræ Puthi. Ya kani ka Aspire Meghalaya da pynkrehkaam da ka AVENUES, Shillong. Wei ha uni u snem da em palat 64,000 ngut ki khynnah ha ki 332 tylli ki skur kiwa da chimbynta ha ka Meghalaya Youth Survey wei palat 13,000 ngut ki khynnah na ki 62 tylli ki skur da chimbynta ki ha ka e sikai Soft Skills wa ka Career Exploration yow pynyoo ya ki ya ki jait kreh wa ye ki wow jied kiwa yatoh wa ki.

Kiwa da wan wow pynyoo yei sap ha waroh kawi ka jylla man ko leh kam chibynta kani ka e sikai heiwa da em 350 ngut kiwa da sai yei sap rwai, chaad, ki sap yalehke, i sap klam wa i sap dro dur.

Na kini da jied le ngut wow man kam ki Top 3 Talent da ka District Talent Committee yong ki jar jiar ki District. Waroh ki 36 ngut ki District Stars daw chimbynta ki ha ka kyrdan State Level wei na kini daw jied ya ki yow man kam ki Top 12 State Stars.

Ki dkhot ki District Talent Committee toh ki bru napoh ka chnat Education wa Sports & Youth Affairs deilang wa ki bru wa pawnaam ha ki jait kaam wa yatoh wa ini.

U First Colour Lathong
Ka Diangmon Sten
Ka Wadamika Phalangki
Advertisement ad1
Share this:
Previous

Ya u mooyong wa mih na Meghalaya da chalan cha Bangladesh kam u mooyong Assam

Next

Ar kynta u chah u thang bomkala ha ka sngi Diwali hapoh West Jaiñtia Hills