Shillong: Le ngut ki kynthai wa yalehke bol ka Meghalaya da yoh thaw ki wow chimbynta wow chah jied haka Selection Camp neibynta ka Team India yow chimbynta haka 2020 FIFA U-17 Women’s World Cup.
Kini ki le ngut toh ka Sanfida Nongrum, ka Sunalinda Iawren wa ka Wandashisha Marwein da chah khut ki haka All India Football Federation wow chimbynta haka Trial ka wow pynman ha Kalyani, West Bengal, ha uni bnai wo wan wei daw lai ki ha ka tarik wow pynbna hadien.
Ka Nongrum waka Iawren da mihkhmat ki yaka Meghalaya ini wa da dep haka Sub-Junior Girls National Football Championship. Ka Marwein da mihkhmat ko leh yaka Meghalaya haka Subroto Cup National-Level Tournament.
Ka 2020 FIFA U-17 Women’s World Cup daw pynman yaka ha India wei da chah jied 51 ngut kiwa yalehbol cha ka Trial ka AIFF.
Caption: (standing, from left) Sanfida Nongrum, Wandashisha Marwein, Sunalinda Iawren. (seated, from left) Meghalaya Football Association Women’s Committee member Sharmila Kharbani, Committee Chairman Diverland Lyngdoh, member Iaikyntiewlang Nongkynrih.
Discussion about this post