Hapoh ka Swachh Bharat Mission-Grameen (SBM-G), kiwa na Meghalaya daw yoh ki wow lai sakhi ya ka lehkmen Independence Day 2025 ha Red Fort, New Delhi, heiwa da chah jied ki soo ngut deilang ki kurim ki wow man kam ki Special Guest ha ka 15 tarik.
Kiwa chah jied ha uni u snem toh u Leverius Dkhar, Chairman ka Village Water and Sanitation Committee (VWSC) na Laitmynsaw, Mylliem Block, East Khasi Hills; u Krin Dkhar na Lumshken, Khliehriat Block, East Jaiñtia Hills; ka Cacino Marak na Aminda Rangsagre, West Garo Hills; wa u Almen D. Shira na Williamnagar, Chachatgre, East Garo Hills.
Kini kiwa man leh kam kiwa pynlai chnong da chah jied ki neidaw wa kreh chimtom ki wow wanrah yei khooid i jngiar, i rukom pynlang jhep kamjooh i pynemkaam ya ki paikhana hapoh ka SBM-G wei i pynkrehkaam ya ka Jal Jeevan Mission (JJM) yow pynpoi umkor cha kawi pa kawi ka manyung.
U Leverius Dkhar da ong u wa ka JJM da pynsuk ko ya ka chnong heiwa da yoh um man-ka-step wa hei janmiet wei kam ka VWSC da pyntikna wym em sahkut ka um wei ka Laitmynsaw da yoh khusnaam ko leh na ka Mylliem Block yei lehkhooid hapoh ka SBM-G.
U Krin Dkhar da ong u wa nachwa ha chong Lumshken da hap wow lai tong um na khloo tangwa katni deiwa wan ka JJM dapoi ka umkor cha kawi pa kawi ka manyung.
Da pynsñiaw u leh yei kmen wow chah jied deiwa ong wa ini toh i sien nyngkong wa yoh u wow lai cha Delhi.
Ka Cacino Marak da ong ko wa ki kam ka chong da pyntikna ki wa yoh paikhana kawi pa kawi ka manyung wei da kreh ki leh wow pynpoi umkor lyngba ka JJM wei da sdang ki leh ya ka thaw pynlang Plastic.
Ka chnong Aminda Rangsagre da yoh ko leh yei tipmit kam ka ODF Plus Model Village ha u snem 2022 kawa man kawi na ki 5 tylli ki chnong ha Garo Hills kiwa da yoh ya ini i naam. Kani ka chnong da em ko leh ya ka Biogas Plant, ki thaw chna sboh wei da chna ki leh ya ki tiar ki tar deiwa pynemkaam dei jhep Plastic.
Discussion about this post