U Lat ka Maharashtra, u C.P. Radhakrishnan uwa man u kyrtong Vice President ka NDA da chah jied u kam u Vice President wa thymme ka India deiwa yoh 452 Vote na ka Electoral College.
Ya ka Result wa da pynbna da u Rajya Sabha Secretary-General, u PC Mody deiwa ong wa u Radhakrishnan da jop u ya u kyrtong ka INDIA Block, u Justice (retired) Sudershan Reddy uwa yoh 300 Vote.
U Radhakrishnan toh u heh ka BJP na Tamil Nadu wei da man u kam u MP ka Lok Sabha ar sien wei kattu u man u kam u Vice President wa 15 ka ri India hadien wa hiar chuki u Jagdeep Dhankhar ini wa dep.
Ka Election da pynman ya ka ynne hadien 50 sngi wa hiar chuki u Dhankhar ha ka 21 tarik u Naiynñiaw.
U Vice President man u leh u Ex-officio Chairperson ka Rajya Sabha.
Ya u Radhakrishnan da kha ha ka 20 tarik u Naichiphaw, 1957 ha Tiruppur ka jylla Tamil Nadu wei da man u u dkhot ka Rashtriya Swayamsevak Sangh (RSS), wei ha i rta wa 17 snem da man u u dkhot ka Bharatiya Jan Sangh.
Discussion about this post