Kawi ka khyllod ynne i janmiet da lai ko wow booh ujor ha Sadar Police Station pyrchah ya uwi u muktiar wa em 65 snem i rta (chnong tre u na Assam), deiwa pynbaad wa jrong kti wei leh khlem akor u ya ka ha thaw krehkaam (Chamber) yong oo wa em ha Keating Road, Shillong wei ini da jia i ynne hi ka sngi heipor kamwa 3 waje tam.
Kani ka khyllood da khana ko wa da lai ko cha uni u muktiar wow leh kreh Internship ha ka Chamber u tangwa da chah jrong kti pathan ko.
Da khana ko wa heipor wa khut ya ka wow chim ya ka Case Book yow e cha kiwi kiwa kreh wa em ha kawi won ka kamra, da pyrchang u wow jrong kti ka deiwa tba yei doh i pran ko tangwa da ya ksaaid ko wei da lait ko nei kti uni u bru.
Kani ka khyllood da pynbaad ko wa hadien wa dep u wow pyrchang wow jrong kti da tyrwa u cha ka Rs. 500 wei manda ym bien ko u chim da pynthap yabor u khnang wym khana bru ko yeini wa da leh u.
Da khana ko wa kiwi ki lok ko kiwa lai Internship da em ki ha kani ka jooh ka yung tangwa ha kani ka kamra wa jia ini wa chah jrong kti ko da em ko du ka wa uni u bru wei mar ya jia ini ym kwah de ko wow em heini neibhah wa da sñiaw kulmar ko.
Neiliang ka Hynñiewtrep National Youth Front (HNYF) East Khasi Hills da lai ki wow synraan ya kani ka kynthai deiwa dawa leh na ki pulit wow kem wei wow kset ya uni u bru deiwa dawa leh na ka Bar Association wa toh u pyndam ko chisiendon ya ka License uni u Lawyer.
Discussion about this post