Jowai: Ha ka 6 tarik uni u bnai ki pulit ka Phramer Traffic Cell da yoh ki ya kawi ka ujor na kawi ka manbei na Thadmuthlong A, West Jaiñtia Hills heiwa ka khon ko kawa 15 snem da chah pynbiej ko wei da chah rahbor ko ha ka 5 tarik cha Lumshnong, EJH ha u Doubleme Rupsi uwa na chnong Bataw, East Jaiñtia Hills.
Mar jia ini, ki pulit da lai pyllait ki ya kani ka khynnah na Lumshnong wei da kem ya u Doubleme wei da kset ya oo hapoh ka Judicial Custody. Heiyatoh wa ini da ujor ya ka mukotduma hs Jowai PS. CS No. 55(6)2020. U/s 3(a)/4 POCSO Act.R/W 363 IPC. Wei da chem leh wa u Doubleme chong kurim u pyn waka emyatoh kani ka khynnah.
U Doubleme toh uwa chong dai dukan ha jan ka karkhana khyndaw-bilat, ka Amrit Cement ha East Jaiñtia.
Hei pynman chooh chooh ya ka takit hapoh i yahkhmat ka Cresency W Lyngdoh kawa man ka DSP (Crime) da chem wa u Double da jrong-kti (sexually assaulted) u sa ya 4 ngut kiwi ki khynnah kynthai ha kani ka chnong kiwa kynthup ya kawa dang 9 snem, kawa 12 snem wa ar ngut kiwa 11 snem wei neiliang kiwa hayung da ujor ki pyrchah ya oo wa ini i leh u.
Ya waroh kini ki khynnah da sylli (Medical Examination) ya ki wei da phah ya ki cha ka Child Welfare Committee wow yoh yarap ki.
Da register kattu 5 tylli ki Case pyrchah ya u Doubleme.
Heiyatoh wa ini, neiliang ki pulit da pyntip ki wa u Doubleme da leh u yeini hapoh chibnai wei i daw wym em yoh ujor ki toh wa da maham u ya kini ki khynnah katwa kamtæ ym nood ki wow khana yeiwa jia ha kiwa hayung yong ki.
Ha iwi tawon i jia, ki pulit da register ki ya ka muktduma Jowai PS vide Jowai PS..CS No. 54(6)2020. U/s 3(a)/4 POCSO Act. Heiwa kawi ka khynnah wa dang 17 snem na Nangbah da chah jrong-kti (sexually assaulted) ko ha u Heimonmi Susngi, uwa 28 snem ha i janmiet ka 6 tarik heipor 5:30 i janmiet.
Ya u Heimonmi da kem wei da kset ya oo ha Judicial Custody.
Ya kani ka khynnah da pyndep ya ka Medical Examination wei da ekti ya ka cha ka Child Welfare Committee wow yoh yarap ko.