Chah ka High Court wow lai puræ MBBS u khynroo wa em le tylli ki pariam kti

Ha ka hukum wow sahkynmoo, ka Calcutta High Court, da chah ko ya u khynroo wa 22 snem, u Prasanta Mondal na Malda, West Bengal wow puræ MBBS hanlada em u du le tylli ki pariam kti.

Kani ka hukum ka High Court da pynim ko yei kwah uni u khynroo wow man Doctor hadien wa kawi ka thaw puræ ha Kolkata da ong ko wa ymye u wow lai puræ.

Neidaw i kjut Polio nadooh dang khian, da chah ktah ki kti u Prasanta wei da ye u leh wow pyndep ya ka Higher Secondary Exam kamjooh ya ka NEET deiwa yoh ya ka All India Rank wa 161,404 wa ka PwBD Category wa 3,627 deiwa pynemkaam u thoh du da kini ki pariam kti u.

Chwa ini ka SSKM Hospital ha Kolkata da ong ko wa ymye u wow lai puræ MBBS neidaw wa daw chem chitom u wow ksoh ya ki kaaid, ki tari wa thyrnia.

Related posts

Chah kem 8 ngut kiwa slaitbor ya ka khynnah wa dang 15 snem deiwa rahbor ka heipor wa lai mihlait

January 11, 2026

I yap u Garo toh neidaw wym ye ka sorkar wow pynsangeh yei tih mar pohkhyndaw pyrchah aiñ: BJP

January 11, 2026

Hadien ini da lai u cha Calcutta High Court, heiwa u Justice Biswajit Basu da phah u ya ka AIIMS Mumbai wow sylli bniah ya oo wei hadien da chem wym thut i puræ u lada duna pariam kti u.

 Neiliang u Justice Basu da phah u ya ka Hospital wow pdiang ya u Prasanta hapoh ka PwBD Quota.