theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1

Chah ka High Court wow pynkrehkaam ya ki Check Gate ka JHADC

Ka High Court ka Meghalaya da chah ko ya ka JHADC wow pteiñ u pynkrehkaam ya ki Check Gate yong ka deiwa pynsangeh chwa ya ka hukum wa da pynmih da ka sorkar Meghalaya kamjooh da u District Magistrate ka West Jaiñtia Hills ha ka 12-07-22 yow phah khang ya waroh ki Toll Gate wa em ha ki National Highway, ki State Highway wa ha ki District Road ka Ri-loom Jaiñtia.

Hajrong ini, ka JHADC da lai yaleh mukotduma ko ha ka High Court ka Meghalaya heiwa ynnin ka 3 tarik da pynmih ya ka hukum.

Advertisement ad1

Kini ki Check Gate da ong ka JHADC wa em ha Mookyndur, Amlarem wa Ratacherra toh yow pait yei khayi pateiñ da ki kari wym toh ki jaitbru ri-loom wei i phah khang ya ki da man ko pyrchah ya ka aiñ wa ka Article 226 ka Constitution ka ri India.

Da ong leh wa yeini da leh katkam ka Paragraph 8 ka Sixth Schedule dei wym em tia cha ki National Highway wa cha ki State Road wei ym em yoh ujor leh naka sorkar pyrdi wa pait ya ka National Highway yei em kini ki Check Gate wei kini em ki 15 meter na ki National Highway wei da em ki leh ha ki Lay Bye kamtæ ym em tyngkheiñ ya ka aiñ Control of National Highways (Land and Traffic) Act, 2002.

Da kdaw leh ya kiwa boon ki mutkotduma kiwa da dep yaleh heiyatoh wa i krehkaam kini ki Check Gate heiwa da chah ya ki District Council wow pait yei yei khayi pateiñ da ki bru wym toh ki jaitbru ri-loom. Wei da em leh ka mukotduma kawa da yaleh heiyatoh wa ka Check Gate wa em ha Mookyndur ha u snem 2018 heiwa da chah wow krehkaam ko.

Kamtæ da ong wa ya kini ki Check Gate da booh kam chibynta ka aiñ “The Jaintia Hills Autonomous District (Trading by Non-Tribal) Regulation, 2011 & Regulation 2015”.

Neiliang ka yung bichaar da mynjur ko yeiwa ong ka JHADC deiwa pynmih hukum yow phah sangeh ya ka hukum wa da pynmih da ka sorkar ha ka Letter No. DCA. 103/2016/387 dated 25.02.2022 wa ka hukum wa da pynmih heiyatoh wa kani ha ka 12.07.2022 hapoh ka Memo No. Gen.213/JHADC/C.Gate/2018/228.

Advertisement ad1
Share this:
Previous

U sdang noh ka 7th Money Prize Football Tournament kawa hadooh T. 3 lak ka song poisa

Next

2nd Sumer League 2022: Jop ka Kur Salahe Pakem yaka Kur Lamurong