U Asst. Inspector General of Police (A), Meghalaya da pyntip u wa hadooh 8 waje i step ynne ka sngi da em ki ar tylli i jia heiwa da em wa kawang moo ya kawi ka kari kamai wa i thmu wow thang ya kawi ka kari.
Da pyntip u wa heipor 02:45 i step da em kiwa kawang moo ya kawi ka kari kamai (Local Taxi) ka yong u Jai Moharram Rai kawa em ya u number ML-05E-9549 kawa pynyieñ ha rood sarok hajan ka yungmane Catholic wa em ha Nongmynsong wei kani ka kari da piah ka yit ko kawa em na timun.
Heipor 06:45 i step won da em ki bru kiwa da pyrchang wow thang ya kawi ka kari ki bru samen wa em ya u number AS-01DV-04869 ha Umsning Pata Rim Bye Pass heiwa u tre kari da tip pyrtuid kam u Saddam Hussien wei ha ini i jia da iñ du ka Wheel Cap ka chaka wa na khmat.
Heiyatoh won waka Curfew ha Sohra da pyntip u wa da pyndam nadooh 8 waje i step hadooh 6 waje i miet ynne ka sngi wei ha ki thaaiñ Shella da pyndam nadoooh 8 waje i step hadooh 2 waje i sngi ka 5 tarik.
Da pyntip u leh wa ki pulit dang paitbniah bha ki ya ini waroh wei ha kiwa boon won ki thaw da man ki kiwa jai jai.
Discussion about this post