Chah kawang Petrol Bomb ka kari wa synraan ya u heh ka NEEPCO ha Shillong

Ka kari wa synraan ya u Major General (Rtd), Rajesh Kumar Jha, uwa ksoh kaam kam u Director ka NEEPCO, da chah kawang Petrol Bomb ko ynnin i miet.

Katkam wa kana ki pulit ini da jia i heipor kamwa 7:25 ha Demthring Block-2, Shillong iwa dang haap hapoh ka Madanrting Police Station heipor wa kani ka kari dang lai luti ko wow yada ya uni u heh ka NEEPCO cha yung wa sah u ha Laitkor.

Kini ki bru wa wan ki da kawi ka thuk-thuk wei da kawang ki ya u Petrol Bomb heipor wa dang sahkut kari tangwa ym em jia iyi iyi ya kani ka kari ka Mahindra Thar kawa da toh na chrooh neiliang timun.

Da suba wa da mut ki wow kawang ya uni u Petrol Bomb ha ka kari u Jha tangwa da toh noh ha kawi won ka kari heiwa ki bru wa em hapoh kani ka kari da ye ki wow tympleh yei diñ.

Related posts

Chah beiñ ka Doctor wa booh ya ki dur ki bru wa sumaar ko ha Social Media

September 30, 2026

Na u Prestone dawa ka PSM wow booh ya ka Anti-Infiltration Gate ha West Jaiñtia Hills

September 30, 2026

Ki pulit da ong ki leh wa kini ki bru da kawang donhi da ka that wa kop diñ.

Heiyatoh wa ini da lai e FIR wei ki pulit dang pynman ki yei takit.