Hadien wa u Senior Lawyer ka Supreme Court da kawang juti u ya u Chief Justice of India (CJI), u BR Gavai hapoh ka Supreme Court, ha kani ka kynti won da em i jia wa sariem ha kasari wa em ha Tirunelveli District ka jylla Tamil Nadu ynnin ka sngi.
Ha kani ka kasari uwi u bru wa tip kam u Dharmendra Singh uwa da chah pynbaad kam uwa tooh, wei heipor wa bichaar ya ka mukotduma yong oo da kawang u da ki Sandal ha u Magistrate.
U Dharmendra Singh toh uwa na Uttar Pradesh wei da chah kem u ha ki bnai wa dadep hadien wa tooh u ya ka Donation Box na i Mandir wa em ha ka District.
Ini i kawang Sandal u toh heipor wa u Judicial Magistrate, u Arun Kumaran dang bichaar u ya ka mukotduma u Singh ha Cheranmahadevi Court.
U Singh da wan u cha kasari khlem em muktiar wei hadien wa yoo yeini u Magistrate da phah u wow pynkhreh muktiar dei mynkna ya oo.
Heipor wa u Magistrate Kumaran da kyrriah tarik u wow bichaar ya ka mukotduma ha u bnai wow wan, u Singh da chrai u wei da kawang u pyn ar ki Sandal ha oo.
Neiliang kiwa em hapoh da ksoh ki ya u Singh wei da e kti ya oo ha ki pulit kiwa da takit ya oo wei da kit biang ya oo cha patok.
U Singh toh uwa kreh mylla ha Cheranmahadevi yong ka Tirunelveli District.
Discussion about this post