U Finance Minister ka Nepal, u Bishnu Paudel da chah dat u ha ki paidbah wa pynman yakhih ynne ka sngi wei ini i Video da poor bha i ha Social Media.
Kam wow kdaw heini u Prime Minister ka ri, u KP Sharma Oli chirup wa kiwi ki Montri da hiar chuki wei da yut ki hadien wa joor i yakhih heiwa ynnin da em hadooh 19 ngut kiwa da yap.
Ha i Video da yoo ya u Bishnu wa yut u ha sarok na kti ki paidbah kiwa da kdonglang ya oo wei da yoo leh ya uwi u bru wa kynjet ya oo katwa da em leh kiwi kiwa da pyrchang wow yada ya oo.
Ynne i sngi i yung u Bishnu da chah thang i ha ki paidbah chirup wa i yung u Prime Minister, u Oli wa kiwi ki Montri sorkar.
Kiwi ki yung wa da chah thang kynthup ki ya i yung u Sher Bahadur Deuba u heh ka Nepali Congress; u President, u Ram Chandra Poude; u Home Minister u Ramesh Lekhak; u Pushpa Kamal Dahal ‘Prachanda’ uwa man u leh u heh ka Communist Party of Nepal (Maoist).
Discussion about this post