Ha i step synyaw ynne ka 15 tarik, ki pulit ka East Khasi Hills Police da yoh yutip ki wa da em i iñ yung ha Madanrting Block-F. Kamtæ ki pulit ka Madanrting Police Station da lai ki wut wut cha kani ka thaw wei da chem wa da kop diñ ha Godown ka Meera Kharkongor wa em ha Madanrting Block-F.
Hadien wa ye u tympleh yei diñ, da chem yei metyap yong uwi u bru wa tip kam u Ramesh Bara, 45 snem uwa naka chnong Tarajani, Jorhat uwa da kreh mylla waka Meera Kharkongor la 4 snem wei da sah u ha kani ka Godown wa u ksu ka tre Godown heiwa da suba wa da em wa leh chynnam ya ini wa jia.
Kamtæ da kem yaki 3 ngut wa suba wa emkti ha kani ka kaam. Da rah leh ki pulit kam ki sabut ya uwi u tyrnem wa khian, kawi ka belcha wa artylli ki dieñ thang diñ kiwa ym pu em iñ lut kiwa da suba wa pynemkaam ha kani ka kaam kiwa da chem na ini i thaw wa jia.
Ka kyrwoh na u G. K. Iangrai, MPS, Asstt. Inspector General of Police (A) Meghalaya, Shillong.
