Ki 3 ngut ki dkhot ka seiñ HANM New Shillong Circle da chah kem ki ha ki pulit hadien wa ha ka 3 tarik uni u bnai da beh ki ya 300 ngut kiwa wan uiñke suwari kiwa da poi ha Mawdiangdiang wei da sah ki ha ki thaw sah namo ki Guesthouse wa em ha kani ka thaaiñ.
Kini kiwa uiñke suwari toh kiwa da thmu wow lai cha ki thaw niam kam ha Nartiang hadien wa da wan ki na kiwa boon ki thaw niam wa man kyntang wei da kwah ki leh wow lai cha Sohra. Tangwa ki dkhot ka HANM da lai beh ki ki deiwa ong wa du kiwa wan sumaar ha NEIGRIHMS donhi kiwa hoi u sah ha ki Guesthouse wa em ha kani ka thaaiñ.
Ki dkhot ka HANM da pynbaad ki wa kini ki bru toh kiwa wan buhai chnong wei ki wym em ki kot ki sla wa biang.
Ki pulit da pynngat ki ya kini ki dkhot ka HANM ha ki kyndon wa IPC wa yatoh wa i kset yabor ya ki bru, ki kyndon maham bru wa i emlang deiwa boon ngut dei thmu wow pynkulmar.
Neiliang u President ka HANM da pyntip u wa da lai hiar cha Rynjah Police Station yow dawa pynlait ya ki dkhot.
Puræ leh: Beh ka HANM ya ki baar jylla wa wan da le tylli ki Bus ha NEIGRIHMS
Puræ leh: Chem kthang kiwa uiñke suwari hadien wa pynbaad ka HANM kiwa poi wiar
