Chah kem 3 ngut kiwa khayi drugs ha Ialong deilang waka Pistol

Ynne i sngi ki pulit ka West Jaiñtia Hills da yoh kem ki ya 3 ngut ki damok khayi drugs wa joor bha deiwa yang khap ya kini hawa lai ki da ka kari cha Ialong Park, West Jaiñtia Hills District heipor kamwa 3:00 waje i sngi.

Na kini ki le ngut wa kynthup ya kawi ka kynthai, da yoh 108 gram i Heroin wa em ha ki 9 tylli ki tadong sabon wa ha uwi u klong, ka poisa T. 4 lak, kawi ka Pistol 7.65mm wa soo tylli ki kuli, kamjooh le tylli ki Mobile. Da kem leh ya kawi ka kari Gypsy wa kawi ka Local Taxi (Maruti 800).

Ya kini da kem da ki pulit ka ANTF hadien wa da yoh yutip wa tikna wa em kiwa dai drug ha Jowai.

Neiliang u Montri Rangbah, u Conrad Sangma da yaroh u ya ini i yoh kem ki pulit. 

Related posts

Na Tluh yoh ki pulit ka East Jaiñtia ya ka kari wa chah thooh na Mizoram kawa tyrwa dai ha Facebook

January 12, 2026

Yoh kem ki pulit ya uwa dai Drugs ha Soo Kilo

January 9, 2026