Ha ka 7 tarik uni u bnai, uwi u bru wa tip kam u Shanbormi Lamare (25 snem) u kurim ka Meris Lyngdoh kiwa chong chnong ka Barato ‘A’ Pynthor da chah tynyap u ha chnong Barato hi.
Yei metyap u Shanbormi da kit cha Jowai Civil Hospital, Ialong yow leh yeiwa emkaam.
Hei takit ki pulit da thooh ki ya 3 ngut kiwa suba emkti ha ini i kaam kiwa da wiar nei thaw wa sah ki.
Neiliang ki pulit haka 9 tarik da chem ki ya u Jar I Dkhar (31 snem) wa u Deibormi Dhar (18 snem) kiwa waroh ar na chnong Barato kiwa da rieh ha iwi i thaw wa em ha u sarok Rymbai, East Jaiñtia Hills District heiwa da kem noh ya ki.
Uwi won uwa da thooh ki pulit uwa tip kam u Wanjopmi Talang (24 snem) uwa chong chnong ka Khliehsngirang, West Jaintia Hills District da wan pyndem u ha Jowai Police Station haka jooh ka sngi.
Discussion about this post