Chah kem 5 ngut ha Mawsynram deilang ka Pistol wa chna ha Russia wa ki kuli

Ki pulit ka East Khasi Hills ha ka 9 tarik uni u bnai da yoh ki wow kem ya 5 ngut ki damok kiwa rah leh wa ki tiar siat, kawa toh da ki Pistol wa chna ha Russia wei ya kini ki bru da yoh wow kem na ka thaaiñ Mawsynram.

Kini ki 5 ngut toh kiwa tip pyrtuid kam u Aidonsing Nongsiej (40), u Orally Khardewsaw (33), u Wanrilang Nongkynrih (33), u Mossingstar Nongbri (28) wa u Pynshailang Puwein (30).

U Superintendent of Police ka East Khasi Hills, u Vivek Syiem da khana u wa hadien wa da yoh khubor wa bniah, ka Special Cell yong ki pulit SOT da pynman ki yei kynreh kari ha Mawsynram.

Ha ini i kynreh kari da yoh wow ksoh ya kawi ka kari wei da chem napoh kani ka kari ya kawi ka Pistol wa chna ha Russia wa 4 tylli ki kuli .22, ynru tylli ki Mobile Phone, kawi ka EPIC wa kawi ka PAN Card.

Ki pulit da kem ki leh ya ar tylli ki kari kamai Tourist wa em Number ML-15-1319 wa ML-05AA-7184.

Related posts

Na Tluh yoh ki pulit ka East Jaiñtia ya ka kari wa chah thooh na Mizoram kawa tyrwa dai ha Facebook

January 12, 2026

Yoh kem ki pulit ya uwa dai Drugs ha Soo Kilo

January 9, 2026

U SP da khana u leh wa uwi na kiwa chah kem toh uwa da thooh da ki pulit hajrong ki kaam wow thok wei chukor bru, uwa da chah ujor ha thanat Lumdiengjri.

Hawa kylli, neiliang u SP da ong u wa kini ki bru toh kiwa para ki donhi wa leh ya ki kaam damok.