Ha ka 20 tarik uni u bnai da mih i Video wa pynyoo wa chah dat ki chijur ha ki khynnah wa ksoh da ki dieñ wa ki moo ha Pramod Mahajan Garden hajan ka Phoenix Marketcity Mall ha Kurla West ka sorbah Mumbai.
Hadien wa poor i Video ha Social Media, ki pulit na Ghatkopar da Registerki ya ka Case pyrchah ya ki 8 ngut heiwa da kem ya ki 6 ngut wei da phah wow booh ya ki ha Juvenile Observation Home hadooh 4 tarik u December.
ki pulit da ong ki wa kini ki chijur kynthup ki ya uwa 21 snem na Satara District uwa dapoi ha Navi Mumbai ha ka 19 tarik uni u bnai wow yachem wa ka chan kawa sah ha Rabale.
Ha ka 20 tarik kini ki chijur da lai ki cha Phoenix Marketcity Mall ha Kurla West wow thied tiar wei hadien ini da lai ki cha Pramod Mahajan Garden heipor 4:00 waje i janmiet wow chondur.
Katwa dang chondur ki, da wan ki khynnah wa ki dieñ ki moo ha kti wei da sdang dat ki ya u chynrang kamjooh ya ka kynthai hadooh wa hap ki wow yut.
Hadien ini ki chijur da lai ki cha Rajawadi Hospital wow chah sumaar wei da lai won ki cha Ghatkopar Police Station wow ujor heiwa ki pulit da Register ki ya ka FIR hapoh Section 189(2), 189(4), 190, 118(1), 352 and 351(2) ka Bharatiya Nyaya Sanhita (BNS).
Ki pulit deiwa pait ya ki Video da ye ki wow tipmit ya ki khynnah wei da yah ya ki cha Juvenile Justice Board (JJB), kawa da phah wow booh ya ki ha Juvenile Observation Home hadooh 4 tarik u December.
Yeini wa jia ye phi u pait heini: https://twitter.com/gharkekalesh/status/2124032902690431151?a=MtMkGb8ZiA2EqTxyYcM&s=20





Discussion about this post