Ki pulit ka West Jaiñtia Hills kiwa leh ya ka Highway Patrolling da yoh ki wow ksoh ya kawi ka kari Tourist wa em ya u Number ML-05T-3049 ha thaaiñ Ummulong ha u sarokbah NH06 kawa kit ya 6 ngut kiwa na Africa kiwa na ki 5 tylli ki ri ha ka 1 tarik uni u bnai heipor kamwa 10:30 i miet.
Kini toh kiwa wan na Guwahati yow lai cha East Jaiñtia Hills yow lai yalehbol wa pynman ha madan Moosiang Lamare heiwa na kini ki 6 ngut, 3 ngut toh ki wym biang ki kot ki sla wa emkaam yow lai u wan.
Ya kini ki wym biang ki kot ki sla da ksoh ya ki wei da pynngat hapoh ki kyndon aiñ katwa ya ki le ngut won kiwa biang ki kot ki sla da pynlait ya ki ynnin ka ar tarik.
Kiwa biang ki kot ki sla toh u:
- U Enock Kwabena (29 snem) uwa naka ri Ghana.
- U Olaleye Joseph Mayowa (26 snem) uwa naka ri Nigeria.
- U Moses Zutah (24 snem) uwa naka ri Ghana.
Ki wym biang ki kot ki sla:
- U Guilavogui Victor (25 snem) uwa na ka ri Guinea.
- U Kehinde Edris Olayimka (26 snem) uwa na ka ri Liberia.
- U Vidal Luis Chissano (25 snem) uwa na ka ri Mozambique.
