Chah kem 6 ngut kiwa tih mooyong pyrchah ya ka aiñ

Jowai: Katkam wa pyntip ki pulit, ha ka 9 tarik uni u bnai da yoh kem ki ya le ngut ki bru wa tih mooyong pyrchah ya ka hukum ka NGT naka thaaiñ Senengkhri, West Khasi Hills. Ya kini ki le ngut da tip kam u Nar Bahadur Chubba (27 snem), Sane Momin (35 snem) wa u Anton Ch Marak (37 snem).

Na kani ka jooh ka thaaiñ ha ka jooh ka sngi da kem sa le ngut ki bru na kawi ka thaw tih mooyong, ya kini ki le ngut da tip kam u Nar Mozid Ali (39 snem), u Abdul Rashid (28 snem) wa u Abdul Baten (38 snem).

Ha ka 8 tarik heipor 4:30 i janmiet ki pulit da kem ki ya kawi ka kari Bolero pick-up kawa ym em number kawa wan man kawi ka thah tih moo (Stone Quarry) wa pyrchah ya ka aiñ kawa mantre da u Sona Miah kawa em ha Pipulbari, WGH.

Hadien wa yoo u Sona Miah ya ini deilang wa u Josijol Haque, u Rijul Kasim wa sa 10 ngut da sdang yalang kerkut ki ya ki pulit wei da kawang moo ki ki wei da mynsoo ar ngut ki pulit u UBC/566 N. Mahmud wa u BNC/641 M. Kumar wei da takha ka kari ki kawa em ya u number ML-02-6504.

Related posts

Chah dung u Doctor ha Chennai; Ong ka Bei wa maya ware u khon ya ka

November 15, 2024

Kem ki BSF 5 Ton u rasun wa 40 tylli ki masi wa chongdor Rs. 15 lak

November 14, 2024

Ha ka chi tarik uni u bnai u Enforcement Inspector (T), North Garo Hills, Resubelpara da ujor u wa da chem ya kawi ka truck wa kit mooyong wa em ya u number ML-09A-6141 wa chah ieh hapyrdi ka chnong Resu-Radi, Berubari wa Resubelpara, NGH kawa da chah tympiah yit wa ki Headlight.