Chah kem 8 ngut ki Bangladeshi wa wan da ar tylli ki kari | Maham ka JSU ya kiwa yarap

Ka JSU Jowai Circle da ujor ko ha Jowai Police Station ynne i step synyaaw yei em ki bru wym biang ki kot ki sla kiwa da psiah chapoh ka ri kiwa da suba toh kiwa na Bangladesh.

Da pyntip wa ynne i step synyaaw heipor 1:15 da yoh wow ksoh ya ar tylli ki kari Wagon-R ha Demthring Check Point heiwa da chem wa em 4 ngut ki chynrang wa 4 ngut ki kynthai, kamtæ ka seiñ hawa lai bood ya kini cha Jowai PS da ye wow pyntikna toh kiwa da wan pyrchah ya ka aiñ da ka kari wa em Number ML-05AE-4857 wa ML-05AB-3544 kiwa man leh kam ki kari kamai.

Related posts

Chah kem ki le ngut kiwa rahbor ya ka kynthai na Byrnihat wei dai ka hei dor wa Rs. 3 lak ha Rajasthan

October 28, 2025

Hadien chi snem wa chah rahbor ka khynnah na West Garo chem ka na Delhi | Kha khon mar ya poi Tura

October 27, 2025

Kini ki bru hawa takit da khana ki wa da em sa kawi ka kari Alto kawa da yut na ini i thaw wa jia mar ya oo ki ya kani ka Check Point.

Kamtæ da kyntu ya ki pulit wow chimkhia wow pynchitom katkam ka aiñ wei da maham leh ya kiwa emkti wow yarap ha kam kini ki kaam pyrchah aiñ.