Ki pulit ka Crime Investigation Department (CID) Assam da kem ki ya 9 ngut ki pulit wa kynthup ya ki heh pulit ka Bajali District ka Assam hadien wa thmu ki u lute na uwi u mahajon ya uwa tip kam u Rabiul Islam.
U Rabiul Islam ha ka FIR da ong wa ha ka 16-07-23 da chah kem u ha ki pulit khlem i daw, kiwa wan sai oo na yung wa sah u wei da kylli ki na oo chaphang i drugs waka poisa wei hadien wa ong u wym tip u iyi iyi chaphang ini, da takit ya oo da 2-3 kynta wei da dat ki oo leh wei da phah ya oo wow su T. 2.5 klur wei lada ym su u daw siat yap ya oo deiwa pynbaad wa emkti u wa ki seiñ Jihadi na Pakistan wa Bangladesh.
U Raibul da kam u leh wa ki pulit da kem ki ya ar ngut kiwa emyatoh u ha Bahabanipur Police Station wei da pynbor ya oo wow su T. 10 lak cha ki heh pulit deiwa maham pynyap oo wei wot hadien wa su ya kani ka T. 10 lak, ka Additional SP ka Gayatri Sonowal da dawa ko wow su u sa T. 2.5 klur wei hadien ini da pynlait deiwa phah wow su ya kani ka poisa lada kwah u u im.
Ha kani ka FIR da mih leh i pyrtuid u SP ka Bajali, u Siddartha Buragohain wa kiwi de kiwa de ki pulit wa emkti ha ini i kaam.
Ki pulit ka Assam ynnin da kem ki ya u Siddhartha Buragohain, uwa man u IPS yong u snem 2014 uwa man kam u SP ka Bajali sa du ar sngi chwa wow kyrriah ya oo cha ka Assam Police Headquarter.
Kiwi kiwa da chah kem kynthup ki ya u Deputy Superintendent of Police (HQ) u Pushkal Gogoi, ka Additional Superintendent of Police ka Gayatri Sonowal (deilang wa u kurim ko u Subhas Chander), u Sub-Inspector Debajit Giri wa u Constable Injamamul Hassan.
Kiwi won ki le ngut wa chah kem toh u Kishore Baruah wa kiwa yah kari pulit u Nabir Ahmed wa u Dipjoy Kalita.
Ha ka 31 tarik u Naisaphra, u Islam da ujor FIR u wei ki Assam CID da Register ki ya kani ka FIR hapoh ki kyndon ka IPC kiwa kynthup wa maham tynyap wa kiwi kiwi. Ha kani ka FIR da ong leh wa da em bait ki bru wa Phone cha oo wow dawa su smat ya kani ka poisa cha u SP.
Discussion about this post