U SP ka East Garo Hills da pyntip u wa ha ka 18 tarik uni u bnai, da yoh ki ya kawi ka FIR ha Rongjeng Police Station wa em ki bru wym tipmit kiwa da kam ya idæ kam ki dkhot ka GNLA-R kiwa da Phone ki nadooh ka 15 tarik uni u bnai yow dawa poisa wei da maham ki ki leh deiwa khor lada ym su ki yaka poisa.
Kamtæ hei takit da ki pulit ka East Garo Hills wei deiwa thooh wei laikynreh ha kiwa boon ki thaw, haka 21 tarik uni u bnai da yoh wow kem ya u Predickson N. Sangma (32 snem) uwa tip leh kam u Ara uwa chong chnong ka Ambre A.ding, East Garo Hills heipor wa dang mut u wow lai chim yaka poisa wa dawa na kiwa ujor ha i thaw wa pynbait yachem ha Rongjeng Forest Reserve.
Hadien wa takit ya uni, da kem sa uwi u dkhot kani ka seiñ uwa tip kam u Setbingstar D. Shira (33 snem) uwa khut siñ kam u Negro na Rongjeng Songma uwa chong chnong ka Nongchram Dekmik, East Garo Hills .
U SP da pyntip u leh wa dang thooh ya kiwi de ki dkhot kani ka seiñ wei da kyntu leh ya ki paidbah wow pyntip cha ki pulit lada chah dawa poisa ki wei yei pyrtuid ki daw murieh wei da e nong ya ki.
Discussion about this post