Ar ngut ki bru na Bangladesh kiwa emkti wa ka Al Qaeda da chah kem ki na Guwahati Railway Station ynnin i miet wei ya kini da tip kam u Bahar Mia (30snem) wa u Rarely Mia (40 snem).
Hadien wa yoh yutip wa kini ki ar ngut kiwa man kam ki dkhot ka Ansarullah Bangla Team (ABT) kawa man leh ka chnat krehkaam ka ‘Al Qaeda In Indian Subcontinent (AQIS)’ kawa da man ka seiñ wa da khang hapoh India, neiliang ki pulit ka Assam da kem ki ya ki na Guwahati Railway Station ynnin i miet.
Kini ki nong Bangladesh toh kiwa sah tooh ha India khlem ka Passport wei da yoh ki leh ya ki kattu katni ki kot na India kam ki Aadhaar wa PAN Card wei i thmu ki wow wan cha Guwahati toh wow pynpoor ya ki kaam pyrchah aiñ hapyrdi ki khynroo.
Ya kini ki ar ngut da kem katkam ka SOU PS Case no. 1/2024 wei da pynngat hapoh ka Section 120(B)/121/122/468/471 ka IPC deilang waka Section 10/13 UA(P) Act, neitæ ka Section 12 ka The Passport Entry To India Act, 1920 waka Section 14 ka Foreigners Act, 1946.
Discussion about this post