15 49.0138 8.38624 1 0 4000 1 https://wyrta.com 300 0

Chah kem ar ngut kiwa dai drug ha Arunachal Pradesh

0 Comments
Advertisement ad1

Jowai: Ka 171G wa 171B Battalion ki CRPF wa em ha Kharsang wa ha Miao, Arunachal Pradesh ynnin ka sngi deiwa ya krehlang wa ki pulit ka Miao da yoh kem ki ya uwi u bru wa dai drug naka thaaiñ Batcamp iwa em kamwa 4 Km na chnong Miao heipor 8:30 i miet heipor wa dang pynman yei lai uiñ sonteri.

Ya uwa dai drug da tip kam u Moduniya Chakma uwa naka chnong Dharmapur-I iwa haap hapoh ka Namphai Administrative Circle uwa man leh uwi na ki snar khayi drug Brown Sugar ha ki thaaiñ Miao, Namphai wa Karsang.

Na oo da yoh 95.4 Gram iwa suba toh i drug Brown Sugar (Adulterated), ka poisa wa T. 2500 wa 2 tylli ki Mobile Phone wei da pynngat ya oo hapoh ki kyndon PS Case No. 25/19 US 21(B) NDPS Act.

Chiphaw kynta chwa ini, ki pulit ka Miao Police deilang waka 171 BN CRPF wa yahkhmat da u Officer In-charge Inspector Ege Ete wa OC (CRPF) B. Majumdar, da yoh kem ki ya i drug Brown Sugar (Adulterated) wa 16 Grams wa chongdor T. 12,000 wei da kem leh ya ki kattu katni kiwa dih drug.

Ya ini i drug da yoh kem na kawa dai drug kawa tip kam ka Indenthu Singpho wei da pynngat yaka haka NDPS Act.

Advertisement ad1

0 Comments

Leave a Reply