Ki pulit ka East Jaiñtia Hills ynnin ka 31 tarik da yoh ki wow kem ya ar ngut kiwa khayi bhang kiwa wan da kawi ka kari Hyundai i10 kawa em Number AS-23J-0171 kiwa da wan na Tripura yow lai cha Shillong.
Ya kini da kem ha ka thaw pynsangeh kari wa da booh ha Umtyra wei hapoh ka kari da murieh 37 tylli ki yusong wa da song bha wa em u bhang wa khia waroh 47.157 Kilo.
Kini ki yusung da chem napoh ka Bonnet heiwa da kynset bha ha ki thaw wa man thylli nadooh ki bynta wa em ki Headlight, Bumper wa kiwi kiwi heiwa da hap ki pulit wow looid phrai ya ka kari.
Kini kiwa chah kem toh u Shir Debbarma (37 snem) uwa na Ashigarh, West Tripura District wa u Pradip Debbarma (23 snem) uwa na Ram Durga, West Tripura District wei na kini da kem leh 2 tylli ki Mobile Phone deilang waka poisa kawa T. 10,530.
Discussion about this post