Katkam wa pyntip da u SP ka East Khasi Hills, ha ka 18 tarik uni u bnai da yoh FIR ha Sadar Police Station wa ha ka 14 tarik uni hi u bnai da em ki bru wa rah tiar kiwa da wan lute ya uwi u bru hadien wa khang dukan u iwa em hajan ka Little Blossom School.
Kini ki bru wa em le ngut da wan ki da le tylli ki Scooty wei da maham ki wei da sai ki leh da ki naar rot heiwa da kynreh ki oo wei da yoh ki wow tooh Rs. 10,200 kawa man ka poisa wa da dai u ha katai ka sngi.
Kamtæ ki pulit da pynman ki yei takit heiwa ha ka 20 tarik da kem ya ar ngut kiwa suba emkti ha ini i kaam, kitæ toh u Max Eric Syiemlieh (25 snem) wa u Melvin Tongwah (22 snem).
Kini ki ar ngut toh kiwa da emkti leh hei pyrchang lute ya ka Hideaway Café ha ka 16 tarik uni u bnai heiwa da dat ki leh ya uwi u bru.
Neiliang ki pulit dang thooh ki ya kiwi de kiwa emkti ha ini i kaam.
Discussion about this post