Hei miet ka 19 tarik heipor kamwa 11:00 waje, da pyntip cha ki pulit wa da chem ya uwi u bru wa thiah yap ha Laitkor. Kamtæ manda poi ha ini i thaw, da chem wa uni u bru toh uwa da yap wei da em boon i snaam wa kai na oo wei ini i thaw wa jia toh hapoh kawi ka karkhana kari ka yong u Farid Mukhim iwa em ha Laitkor Mawrie, Lumheh.
Hawa takit ki pulit da chem wa uni u bru da em kha u neibynta i khlieh u wei da suba toh uwa da chah tynyap, kamtæ da phah ya ka Crime Scene Unit Team wow pynlang pynlum ya ki sabut wei da suba wa da pynemkaam da uwi u Steering kari yow tynyap ya uni u bru wei da chem leh ya uwi u klong Plastic wa em chiteiñ dei kiad na ini i thaw wa jia.
Hei step ka 20 tarik, yeini i metyap da kit cha NEIGRIHMS Hospital, Shillong wei da wan kiwa emyatoh uwa chah tynyap kiwa da pyntip uni toh uwa pyrtuid kam u William Nongrum (36 snem) uwa na ka chnong Khanduli. Hadien wa da pyndep ya waroh iwa emkaam, da e kti yei metyap cha kiwa ha-yung ha-sem u.
Heiyatoh wa ini, da pynman ya ka takit da ka Madanrting Police Station hapoh ka kyndon 302 ka IPC wei da kem ya ar ngut kiwa suba wa emkti hapoh 48 kynta wa jia ini.
Discussion about this post